«Ятим бала тәрбияләгән кеше җәннәттә минем белән ике бармак кебек янәшә булыр» (Хәдис)

яңалыклар

Әлмәт имамнары җыелышы уздырылды

собрание имамов

Бүген Әлмәтнең Р. Фәхретдинов исемендәге үзәк мәчетендә мөхтәсибәт имамнары җыелышы узды. Имам-мөхтәсиб Фәһим хәзрәт Әхмәтҗанов сөйләшүне дин әһелләренең эшчәнлеге  мөһимлеге турында сөйләүдән башлады. Һәр имамның үз мәхәлләсе өчен җаваплы булуын искә төшерде. Моннан тыш дини эшләрне алып баруга зур тырышлык куйган өчен рәхмәтен әйтеп, изге теләкләрен, үгет-нәсихәтләрен  җиткерде.

Җыелышның рәсми өлешендә имамнар агымдагы дини эшләр хакында фикерләштеләр. Корбан бәйрәмен уздыру, мәчетләрдә эшләү кебек мәсьәләләр тикшерелде.

Чирмешән балалары өчен экскурсия уздырылды

Экскурсия в мечети

25 августта Чирмешән җәйге лагерена йөрүче балалар Әлмәтнең Р. Фәхретдинов исемендәге үзәк мәчетенә килделәр. 21-26 август көннәрендә Чирмешән мөхтәсибәте кыз балалар өчен өченче смена лагерь уздыра. Аларга ислам нигезләрен, эхлак кагыйдәләрен өйрәтәләр. Шулай ук Әлмәткә экскурсия оештырырга ният иткәннәр.

Әлмәт мәчете хезмәткәрләре балаларга иман йорты турында сөйләделәр, аның тарихы белән таныштырдылар. Мәдрәсә хакында җиткерделәр. Балаларга намаз бүлмәсе, класслар бик ошады.

Экскурсия ахырында балалар коймак белән сыйландылар. 

ДИНИ УКУ ЙОРТЛАРЫ ҖИТӘКЧЕЛӘРЕ КИҢӘШМӘСЕ УЗДЫРЫЛДЫ

Дини уку йортлары киңәшмәсе

24 август, мөфтияттә Татарстан мәдрәсәләре җитәкчеләре киңәшмәсе үткәрелде. Киңәшмәдә Татарстан мөфтие Камил хәзрәт Сәмигуллин, аның урынбасарлары Рәфыйк Мөхәммәтшин, Рөстәм хәзрәт Хәйруллин, нәзарәтнең уку-укыту бүлеге, алар арасында Әлмәт ислам мәдрәсәсе мөдире Фәһим хәзрәт Әхмәтҗанов, “Хузур” нәшрият йорты вәкилләре катнашты.

Чарада дин әһелләре, мөгаллимнәр мөселман мәгарифенә кагылышлы сорауларны карадылыр. Яңа уку-укыту стандартлары, уку әсбапларын, программаларын әзерләү, мәдрәсәләр уставын раслау хакында фикерләштеләр.

Кичүчәт мәчете имамы белән очрашу булды

Кичүчәт мәчете имамы белән очрашу

20 август, Әлмәт шәһәренең имам-мөхтәсибе Фәһим хәзрәт Әхмәтҗанов Кичүчәт мәчете имамы Мисхәт хәзрәт белән очрашты.

Бугенге очрашуда алар көндәлек сорауларны карадылар, киләчәк айга эш планнарын кордылар. Алар арасында Корбан Гаетен үткәрү мәсьәләсе иде.

ХАҖГА КАГЫЛЫШЛЫ ҖЫЕЛЫШ БУЛДЫ

встреча  руководителей групп  программы «ДУМ РТ ХАДЖ»

20 августа,  Татарстан мөселманнары Диния нәзарәтендә  хаҗ сәфәрен оештыручылар, төркем җитәкчеләре һәм табиблар катнашында хаҗ кылуга багышланган утырыш үткәрелде. Очрашуда ТР МДНнең аппарат җитәкчесе Ришат Хәмидуллин, нәзарәтнең халыкара мөнәсәбәтләр бүлеге җитәкчесе Хәйдәр Камалетдинов, Роспотребнадзорның Татарстан буенча идарәсе хезмәткәре Гөлнара Хәйретдинова, шулай ук Әлмәт шәһәренең имам-мөхтәсибе урынбасары Исмәгыйль хәзрәт Биккинин дә  катнашты.

Әлмәттә хаҗилар өчен дәресләр оештырылды

уроки для хаджиев

17август, Әлмәт шәһәренең мөхтәсибәтендә хаҗилар өчен дәресләр үткәрелде.

Август ае дәверендә Әлмәт шәһәре Үзәк мәчетендә хаҗилар өчен дәресләр оештырылды.

Быелны Әлмәт мөхтәсибәтеннән ДУМ РТ ХАДЖ программасы белән 6 кеше хаҗ кылачак. Алар өчен август аенда махсус дәресләр үткәрелде. Дәресләрне Исмәгыйль хәзрәт Биккинин алып барды. Ул хаҗ кылу тәртибе һәм ысуллары турында сөйләде, булачак хаҗиларга хаҗ кылуның эчтәлекләрен аңлатып китте һәм чит илдә нинди кыенлыклар чыгуы турында кисәтте.

Колшәрип мәчетендә корбан чалу турында сөйләделәр

Колшәрип мәчетендә җомга вәгазе

14 август 2015 елында – Әлмәт шәһәре имам-мөхтәсибенең урынбасары Исмәгыйл хәзрәт Биккинин Колшәрип мәчетендә җомга вәгазен үткәрде.

Бугенге вәгазьдә Исмәгыйл хәзрәт корбан чалуның фазыйләтләре турында тулы аңлатма бирде. Корбаннын нигезе, әһәмияте һәм корбан чалучыга Аллаһы Тәгаләдән вәгъдә ителгән  әҗер-саваплар турында сөйләде.

Әлмәт шәһәренең Үзәк мәчетендә “Мәктәпкә әзерләнергә ярдәм ит” дигән акция узды

Әлмәт шәһәренең Үзәк мәчетендә “Мәктәпкә әзерләнергә ярдәм ит” дигән акция узды

13.08.2015  Әлмәт шәһәренең имам-мөхтәсибе Фәһим хәзрәт Әхмәтҗанов Республика тарафыннан уздырылган “Мәктәпкә әзерләнергә ярдәм ит” дигән акциядә катнашты һәм мәктәп укучыларына бүләкләр таратты.

13нче августта Әлмәт шәһәренең Риза Фәхретдин исемендәге Үзәк мәчетендә Әлмәт шәһәренең имам-мөхтәсибе Фәһим хәзрәт Әхмәтҗанов мәктәптә укучы балаларга бүләкләр таратты һәм барысын да яңа уку елы белән котлап, киләчәктә белем алу юлларында уңышлар, хәерле гыйлемгә ия булырга теләде:

Әлмәт мөселманнары Ураза гаетен бәйрәм иттеләр

Бүген шәһәр һәм район мөселманнары ислам дөньясындагы иң зур ике бәйрәменең берсе – Ураза гаетен бәйрәм иттеләр. Тантаналы гает намазы иртән шәһәрнең үзәк мәчетендә укылды.

Әлмәт районының имам - мөхтәсибе Фәһим хәзрәт Әхмәтҗанов бәйрәм вәгазендә Рамазан аенда ураза тотуның савабы турында сөйләде, чын иман, изге гамәлләр белән Аллаһка рухи якынаюның әһмиятен күрсәтте. Фәһим хәзрәт Әхмәтҗанов шулай ук Татарстан Республикасы мөселманнарының Диния нәзарәте рәисе, мөфти Камил хәзрәт Сәмигуллинның котлау телеграммасын укыды.

Ризаэддин Фәхреддин исемендәге Әлмәт ислам мәдрәсәсе абитуриентлар өчен лагерь үткәрәчәк

18-25 июльдә Ризаэддин Фәхреддин исемендәге Әлмәт ислам мәдрәсәсе абитуриентлар өчен лагерь үткәрәчәк.
Көндезге уку бүлегенә 9нчы һәм 11нче сыйныфны тәмамлаган башлангыч дини белемнәре булган егетләр һәм кызлар кабул ителә. Егетләр һәм кызлар бүлеге аерым бинада урнашкан. Егетләр Әлмәт шәһәренең үзәк мәчете бинасында укыйлар, монда алар һәр көнне имамлык эше белән танышалар, Әлмәт мөхтәсибәте эшчәнлегендә актив катнашалар.

Битләр