«Ятим бала тәрбияләгән кеше җәннәттә минем белән ике бармак кебек янәшә булыр» (Хәдис)

яңалыклар

Әлмәт мөхтәсибәте Риза Фәхреддиннең шәхесе турында викторина үткәрә

17 гыйнварда дин галиме, мәгърифәтче Ризаэддин Фәхреддин (1859-1936) тууына 158 ел тула. Бу шәхес тумышы белән Әлмәт районы Кичүчат авылыннан. Истәлекле дата уңаеннан район һәм шәһәр мөхтәсибәте Ризаэддин Фәхреддиннең мемориаль музее белән берлектә күренекле дин галименең тормышы, эшчәнлеге, рухи мирасына багышланган викторина игълан итте.

28 гыйнварда Әлмәт шәһәрендәге Ризаэддин Фәхреддин исемен йөрткән Үзәк мәчеттә 10.00 сәгатьтә галимгә багышлап татар телендә ачык дәрес узачак. Шуннан соң викторина оештырылып, анда район мәчетләрендә дини сабак алучы шәкертләр дә, гомумән, теләге булган һәркем катнаша ала.

Әлмәт мөхтәсибәтендә квалификация күтәрү курслары тантаналы мәҗлес белән ябылды

Тантаналы мәҗлес Әлмәт үзәк мәчетендә узды. Бу чарада ТР МДН вәкилләре, имам-мөхтәсибләр, әлмәт имамнары һәм аксакаллары, мәдрәсәнең укутычылары катнашты. Шулай ук мәҗлестә мөфти Камил хәзрәт Сәмигуллин исеменнән рәхмәт хатлары тапшырырды. 

Әлмәттә Мәүлид бәйрәме шәһәр дәрәҗәсендә уздырылды

"Нефтьче" мәдәният сараенда пәйгамбәребез Мөхәммәднең туган аена багышланган тантаналы бәйрәм чарасы үтте. Анда мөфтият вәкилләре, республикабызның мөхтәсибләре, Әлмәт районы имамнары, мәхәллә халкы һәм укучылар катнашты. Әлеге бәйрәмне Әлмәт районы мөхтәсибәте оештырды.

Әлмәт муниципаль районы башлыгы урынбасары Наҗия Хәйдарова әлмәтлеләрне һәм кунакларны районыбыз башлыгы  Айрат Хәйруллин исеменнән бәйрәм белән тәбрикләде. Наҗия Мисбах кызы Әлмәт районы мөхтәсибәтенә мәгърифәтчелек эшен зур дәрәҗәдә алып баруы өчен рәхмәтләрен җиткерде.

Әлмәт мәктәбендә «Əдəп төбе – матур гадəт» дигән очрашу узды

20-нче мәктәбендә уздырылган чарада Әлмәт районы имам-мөхтәсибе урынбасары Рузиль Ихсанов катнашты. Очрашуда укучылар «Тəрбияле бала» (авторы – Риза Фәхреддин) китабыннан алынган цитаталар белән чыгыш ясадылар, шулай ук зарарлы гадәтләрен зыяны турында сөйләделәр. Рузиль Ихсанов үз сөйләмдә ата-аналарны, бер-берсен хөрмәт итү турында фикерләрен җиткерде. 

Республика имамнары Риза Фәхреддиннең мемориаль музеенда булдылар

Әлмәттә квалификация күтәрү курсларында катнашкан имам-мөхтәсибләр Кичүчат авылында урнашкан Риза Фәхреддиннең мемориаль музеенда экскурсиядә булдылар. Кунаклар күренекле дин галиме,  мәгърифәтче Риза Фәхреддиннең туган җирен күрделәр, рухи мирасы белән таныштылар. 

Әлмәттә имам-мөхтәсибләр квалификация күтәрү курсларын үттеләр

Әлмәт мөхтәсибәтендә Татарстан Республикасының имам-мөхтәсибләре өчен өч көнлек квалификация күтәрү курслары үтте. Курслар кысаларында  имамнар төрле тренингларда катнаштылар. Ораторлык осталыгы буенча тренингны танылган артист Фәнис Жиһанша алып барды. Икенче тренингта бизнес-тренер Илья Шубин имамнарны фандрайзинг ысуллары белән танышты.

Әлмәт мөхтәсибәте Мәүлидкә багышланган көрәш буенча турнир үткәрде

Традицион турнирда шәһәр һәм район яшь спортчылары катнашты. Аларны ярыш алдыннан Әлмәт районы һәм шәһәре имам-мөхтәсибе Фәһим хәзрәт Әхмәтҗанов сәламләде. Бүләкләү тантанасында имам-мөхтәсиб җиңүчеләргә һәм призерларга дипломларны, медальләрне, бүләкләрне тапшырды.

Әлмәттә ТР МДН күчмә пленумы узды

19 декабрьдә Әлмәт мөхтәсибәтендә Татарстан мөселманнары Диния нәзарәтенең күчмә Пленум утырышы үткәрелде. Бу чара 2016 елда алып барылган дини эшчәнлеккә йомгак ясау, алдагы елга ниятләрне барлау булып торды. Җыелыш Татарстан мөфтие Камил хәзрәт Сәмигуллин җитәкчелегендә барды, сөйләшүдә мөфти урынбасарлары, район имам- мөхтәсибләре, казыйлар, голәмәләр шуралары әгъзалары, дини уку йортлары җитәкчеләре катнашты.
Татарстан мөселманнары Диния нәзарәтенең матбугат хезмәтенең мәгълүмате буенча 

Әлмәт һөнәри көллиятендә лекция булды

Халыкара Әниләр көне алдыннан Әлмәт мөхтәсибәте яшьләр комитеты оештырган бу чарада көллият укучыларына “Дөньяда иң авыр эш нәрсә?” дигән сорау бирелде. Чарада катнашучылар дөрес җавапны тиз генә таба алмады. Ә инде видеороликларны караганнан һәм район имам-мөхтәсибенең яшьләр белән эшләү буенча урынбасары Рузил Ихсанов чыгышыннан соң шик калмады: иң авыр эш аналар җилкәсендә. Лекция тәмамланганнан соң анда катнашучыларга кулларына телефон алып, әниләренең хәлен белешергә тәкъдим ителде.

"Әлмәт таннары" газетасының материаллары буенча

Әлмәтлеләр янә җыелышып татар телендә диктант язды

Татар телендә саф аралашучылар санын, әдәби татар телен кулланучылар даирәсен арттыру, милли телгә хөрмәт булдыру максатыннан агымдагы елда Әлмәт мөхтәсибәте  күптән көтелгән “Туган телем” дигән проектны башлап җибәрде. Татар теле курсларына йөрергә шактый кеше теләк белдергән. Шушы программа кысаларында бу ялларда тоталь диктант язу чарасы узды. Үзәк мәчеттә узган проектка 48 кеше килгән иде.

Битләр